大泡沫

呢期升到32,000. 距離 38,000 已不足 20%.

今次外資大舉入港元, 逼金管局入市增加港元供應. 再來多一兩次, 香港大水浸, 長息再跌, 大炒特炒. 小股民有理性的都可能已出貨, 咁升法, 神仙都想落凡間炒番轉, 何況我等定力欠佳的香港人.

結局是, 金管局睇唔過眼, 將兌換保証上限改為7.65. 如是者, 趁美股大跌, 外資大舉撤退, 港元大跌(其實是回到7.83) 港股分分鐘跌一半.

未跌之前, 地產股勢升到癲.

A 股病毒與逆向思維

昨晚輪到美股玩 V 型反彈, 而日本股市今日就大玩蹺蹺板, 大幅波動.

現時, 一股「A股」病毒似乎已由內地蔓延至全球. 加上全球投資者之既有「逆向思維」基因, 已變種成了「股瘋」病毒. 「股瘋」病毒發作, 會帶來股災.

Amen.

令人失望的江西銅

正當銅價及股價持續向上之際, 江西銅剛公布的業績卻強差人意, 分明是管理層的能力有問題.

目標價, $8.

陰謀論 (2)

今日, 金管局終於要接美元, 令港元結餘暴增至 20.32 億. 以百分比計算, 增加了 61.6%.

如果聽日照辦煮碗, 可令結餘增至 27.87 億, 和之前相比, 增加了 1.217 倍.

如是者, 造淡者終於可以重出江湖, 先借外圍事故 (如美股仆直) 及宏調, 再以資金外流 (狂質港元至 7.83, 金管局理應不會干涉) , 外資公司調低港股展望及評級之類作藉口, 造淡港股.

觀乎今日成交量及走勢, 散戶應該接了不少「平」貨. 等四十大盜上市後, 計劃執行, 目標 : 18,000.

高潮迭起之「反高潮」與「反反高潮」

今日, 恒指仆直, 但最後又唔會太直, 因為經上幾次教訓, 開市低點往往是即日低點, 唔買就笨. 如是者, 一群待宰的羊會如餓狼般搶貨, 跌過一千點後應可收回一半失地至跌五六百點左右. 是為反高潮.

不過, 今次外圍打真軍, 之前設落的局今日收割, 當散戶接埋今次貨後, 就係時候做低佢, 殺多一千點埋單, 等大家今晚無覺好瞓, 聽日再殺多一千點等大家止蝕離場, 是為反反高潮.

如是者, 預期今日最高可「升」至 28,800, 然後以 27,800 收市. 聽日可見 26,800.

Amen.

隱藏殺機 變 擺明車馬

昨日印度股市曾跌 10%, 收市回順至跌 2%. 但今日就更誇張, 先升近 3%, 最後收市跌 5%. 波幅之大, 令人咋舌. 如果做錯決定, 分分鐘輸死.

觀乎今日走勢, 轉勢之急, 睇怕聽日凶多吉少. 兩大新與市場先瓜一件, 如果國內 A 股又再跌 4-5%, 有機會成為大市調整之最大藉口. 股災多由新與市場席捲全球, 睇下今次係唔係又中.

次按及CDO 陰霾, 油價創新高, 土耳其打伊拉克, 新興市場仆直... 萬事俱備, 只欠東風.

秋風起, 除左三蛇, 大閘蟹都好肥.

更改預測

由於股票市場已完全陷入瘋癲狀態, 加上香港人特性 (即如曾特首, 稍有甜頭, 就會飄飄然講民革) , 恒指預期 3 星期內見 38,000, 然後崩盤, 初步目標: 年底20,000 明年三月底 14,000.

個別股票方面, 目標如下, 祝好運.

中移動: $200, $70, $35
中石油: $30, $8, $4
中鋁: $50, $15, $6