大波動

港股呢幾日大幅波動, 買錯分分鐘輸死.

美國及歐洲預期會受信貸問題影響, 股市未來幾個月會向下走. 美元兌歐元英鎊將有支持, 但兌日圓預期會顯著下跌, 見105 甚至100 之機會相當高. 日股亦會因而受影響.

香港成資金避難所, 股市不能看得太淡. 但匯豐預期會試120 或更低. 內房股受調控影響短期會受壓.

總之, 祝君好運.

爆煲 (3)

爆煲 (2) 的 comments 太長. 呢度再講.

有人話現時出現頭肩頂, 股市會再下試低位. 有人話現時市場「缺水」, 要走貨套現.

小弟認為, 香港市場基本上已被國內資金扭曲, 難以用美式智慧圖表解釋, 好易中招. 至於缺水論, 亦難以成立. 因為, 除非面臨破產, 否則何須賤賣資產?

香港自 SARS 後經濟回甦, 如 2003 年中的 10,000 準確反映市值, 按每年20% 增長計算, 2007 年底應為 22,800 左右. 恒指升得太急, 要調整.

之前大市氣氛好, 炒到上 32,000 毫不費力. 依家氣氛轉差成交縮, 跌多三幾千點等閒事. 上兩日強力反彈, 引了不少散戶落搭, 今日跌突, 旨在引人出貨. 散戶大可跌兩千點左右就買貨, 反彈就出貨. 八月的V 型反彈是萬中無一, 難望歷史重演.

今日恒指有望守穩 28,000. 今晚美股如不破 13,000, 下周將現小陽春.

爆煲 (2)

日元向跌穿 110 邁進. 套息交易平倉, 歐澳紐鎊全部冇運行. 日股大跌 500 點, 恒指今日唔跌 1,000 唔收貨.

1星期目標:
日經: 14,000
恒指: 24,000
杜指: 12,500

爆煲

今日日元狂升, 113 位危危乎; 恒指今日再升乏力; 周小川話今年預料通賬急降, 唔駛再宏調.

結論: 三日之內, 全球爆大鑊. 以今晚機會最高.

美國空軍出動

終於, 有結果, 聯儲局減 1/4 厘. 但今次同上次唔同. 今次講到明兩樣野: 1. 經濟增長正在放慢. 2. 通脹危機重現. 兩樣加埋 = 滯脹. 下次減又死唔減又死.

道指可向 14,000 講拜拜. 聽日美日兩地股市反艇, 且看香港能否獨善其身.

道指短期目標 13,400