在官員狂出口術下, 美元在投資者憧憬加息下大反彈. 奇哉怪也.
現時加息, 只會加深當前經濟危機. 伯南克說通脹危險比衰退危險高, 可從兩個層面理解：
1. 之前減息減過龍, 減出個通脹大頭佛, 要處理;
2. 衰退大鑊, 衰退加通脹更大鑊.
但是, 小弟認為, 現時美國金融機構水深火熱, 加息等同送其一程, 照計唔加得.
不過, 唔加息引發通脹令全體人民受罪, 大選年政治風險奇高, 家陣奧巴馬聲勢浩大, 冇理由伯南克加多腳累死共和黨
一早都話, 加又死唔加又死
滯脹已成, 一動不如一靜
美國經濟爆大鑊. 之前三個茶煲一個蓋, 演變成現時十個茶煲一個蓋. 落得如斯田地, 美元必跌.
