逆向思維

在現今投資界, 逆向思維大行其道.

就業數據欠佳, 樓價向下, 都被人視作聯儲局會減息的「好消息」. 這個想法, 與一個病人, 希望醫生驗出他的病情嚴重, 因而會向其用重藥一樣無稽.

結果, 出現「這邊經濟衰退, 那邊股市創新高」的怪現象.

是有人托市, 還是股民是白痴, 不得而知.

不過, 各國聯手, 大吹氣球, 爆時肯定好睇過國慶煙花.

棺材期貨

如果大家見到邊度有棺材期貨買, 記得話我聽.

兩個月後, 肯定發達~

唱對台

匯豐銀行見 $145 之日, 熊市來臨之時. Amen.

減息

聯儲局出乎意料減息半厘, 香港股票市場火上加油.
不過, 又裂口高開, 跟住有人出貨有人入貨格局...

今年年初跌市, 二月二十三日見頂.
八月跌市前, 七月二十三日見頂.
今次, 睇怕都係九月二十一或二十四.

如 David Webb 話齋, 家陣國內股市 PE 實際上高達 80-100倍,
加上美國經濟急轉直下, 只有香港人繼續永遠向前.
入到賭場, 贏左錢最終都會買番落去.

總之, 各位好運. 哈哈!

八字真言

正當美國甚至全球股市風高浪急之際, 我們的新財爺高姿態宣佈入股港交所. 結果如何, 大家有目共睹. 可憐買了港交所 put 的人, 認沽証一夜間變了廢紙. 亦因為政府這偉大舉措, 香港股市竟可於美股大跌市後報升.

香港市場之兩大魅力, 在於其低稅率及積極不干預政策. 今一臂已失, 港交所暴升禍福難料. 惟觀乎近日之市場走勢, 股價之波動, 股民之瘋癲, 應離大劫不遠.

國之將亡, 必出妖孳. 曾司長, 謹送你大時代陳萬賢之八字真言.

息

正當市場憧憬 9月18日聯儲局減息之際, 全球一至三個月拆息全面揚升. 香港的一個月 HIBOR 升過 5%.

簡單來說, 銀行水緊兼不願冒險 (次按債券咁安全都搞出大頭佛, 何況其他融資). 貸款息口上升, 大小融資併購全部坐o係度, 股票理論上想升都幾難.

最近港股藉減息、負利率炒作, 地產股升到識飛, 因住反高潮.

尋晚聯儲局褐皮書明示除樓市外, 美國基本經濟未受影響. 如果唔減息, 至少令人覺得聯儲局口裡如一. 相反, 如果經濟咁好都減息, 即係話有關方面覺得未來整體經濟遠比現時差, 人心虛怯下股市實仆直.

睇下財大氣粗的大陸同胞頂得幾耐!

倒數

距離爆煲不遠矣.

9月18日, 減息不成會跌, 減得成跌得仲勁. 9月30日, 醜婦終須見家翁. 若消息提早兩星期通天, 就早兩個星期爆.

3個月, 目標 18,000.